TCT
Kush jemi
TIRANA COLLEGE OF TECHNOLOGY
Tirana College of Technology ngrihet mbi dhjetë vitet histori suksesi të Kolegjit Profesional të Tiranës, i pari institucion i arsimit të lartë në vendin tonë në arsimin e lartë profesional 2-vjeçar. Themelimi i tij në 2015-ën u bë për shkak të mungesës në tregun e punës të profesionistëve me aftësi praktike, si teknikë të lartë dhe zbatues projektesh. Etja për këta profesionistë diktoi suksesin e institucionit i cili ka diplomuar më shumë se 1100 studentë, shumica e tyre, mbi 80%, janë të punësuar në tregun kombëtar dhe atë ndërkombëtar.
Pas dekadës së parë, Kolegji Profesional i Tiranës hedh një hap të rëndësishëm për të ardhmen e tij. Ministria e Arsimit dhe Sportit, përmes urdhrit nr.266, i datës 19 qershor 2025, vendosi riorganizimi nga kolegj profesional në Kolegjin Universitar “Tirana College of Technology” (TCT). Përveç tetë programeve profesionale që i ofron ndër vite, Tirana College of Technology do të ofrojë, prej vitit të ri akademik 2025-2026, edhe katër diploma të reja në ciklin e parë Bachelor, në fushën e inxhinierive, si: Inxhinieri Mekanike, Inxhinieri Civile, Inxhinieri Elektronike dhe Inxhinieri Softëare.
FAKULTETI I INXHINIERISË KOMPJUTERIKE:
FAKULTETI I INXHINIERISË INDUSTRIALE DHE CIVILE:
AKREDITIMI INSTITUCIONAL
Kolegji Profesional i Tiranës është akredituar për herë të parë si institucion i arsimit të lartë me Vendimin e Bordit të Akreditimit nr. 66, datë 21.09.2017 “Për akreditimin e parë të institucionit të arsimit të lartë “Kolegji Profesional i Tiranës”, proces i cili u realizua nga ASCAL në bashkëpunim me Agjencinë e Garantimit të Cilësisë për Arsimin e Lartë në Mbretërinë e Bashkuar.
KPT është riakredituar me Vendimin e e Bordit të Akreditimit Nr. 08, datë 27.01.2023 (shih
https://www.ascal.al/index.php?option=com_k2&view=item&layout=item&id=53&Itemid=698&lang=sq
VIZIONI
Vizioni i Kolegjit Universitar “TCT” është të jetë një lider në ofrimin e arsimit të lartë, duke luajtur një rol thelbësor në zhvillimin ekonomik dhe teknologjik të vendit. Kolegji Universitar “TCT” synon të krijojë profesionistë të aftë dhe inovatorë, të cilët kontribuojnë në avancimin e shoqërisë dhe ekonomisë përmes zbatimit të njohurive shkencore në fusha praktike. Duke zhvilluar veprimtari kërkimore dhe akademike të aplikuara, Kolegji Universitar “TCT” synon t’u përgjigjet nevojave bashkëkohore të industrisë dhe sektorëve të ndryshëm, duke siguruar një arsimim cilësor, në përputhje me zhvillimet teknologjike dhe kërkesat e tregut të punës, në bashkëveprim të plotë me partnerët strategjikë nga tregu i punës për të krijuar dhe modeluar produkte akademike dhe specialistë të aftësive për integrim të menjëhershëm në tregun e punës.
MISIONI I TCT
Misioni i Kolegjit Universitar “TCT” është të jetë një ndër ofruesit kryesorë të arsimit të lartë me natyrë teknologjike dhe të aplikuar në vend, duke shërbyer si një urë lidhëse e fuqishme ndërmjet edukimit akademik dhe trajnimit praktik, dhe duke përgatitur studentët për një integrim të suksesshëm në tregun e punës. “TCT” synon të fuqizojë individët duke rritur kualifikimin dhe përmirësimin e aftësive teknike dhe profesionale përmes ofrimit të programeve të studimit, në përputhje me tendencat e zhvillimit teknologjik dhe industrial. “TCT” do të funksionojë si një pol inovacioni ku studentët dhe profesionistët e rinj njihen me teknologjitë dhe praktikat më të fundit, të cilat janë të integruara në kurrikulën e programeve të studimit, duke krijuar një urë mes inovacionit dhe industrisë.