TCT
Regjistrimi
Në programet e studimit të Tirana College of Technology, pranohen për t’u regjistruar shtetas shqiptarë ose të huaj që plotësojnë këto kritere:
- Kanë aplikuar rregullisht në Portalin e Maturës Shtetërore, kanë zgjedhur si preferencë programet e Tirana College of Technology dhe janë shpallur fitues
- Vërtetojnë me dokument zyrtar mbarimin e shkollës së mesme në Shqipëri ose jashtë shtetit, së bashku me listën e notave (ekuivalentuar sipas kritereve të përcaktuara nga Ministria e Arsimit dhe Sportit e Republikës së Shqipërisë)
- Kryejnë pagimin e tarifës së studimit sipas kushteve dhe përcaktimeve të kontratës përkatëse mes TCT dhe studentit
- Dorëzojnë dokumentet e nevojshme për lidhjen e Kontratës së studentit midis tij dhe TCT. Regjistrimi kryhet pranë Zyrës së Burimeve Njerëzore dhe Kontratave në TCT.
Dokumentacioni i nevojshëm për regjistrim
Për t’u regjistruar në njërin prej programeve të studimit që maturanti ka aplikuar dhe është shpallur fitues, kandidati/maturanti duhet të dorëzojë pranë TCT:
Shtetasit Shqiptarë:
- Fotokopje të noterizuar të Diplomës së Maturës Shtetërore ose të dëftesës së pjekurisë së bashku me certifikatën e notave ose të një dëftese/ diplome tjetër studimi të fituar jashtë vendit dhe të njësuar nga MAS
- 2 Fotografi personale
- Certifikatë familjare
- Dokumentin e identifikimit (fotokopje të kartës së identitetit ose pasaportës)
- Çdo dokument tjetër të përcaktuar si të nevojshëm nga legjislacioni në fuqi dhe TCT
Shtetasit e huaj/ Shtetasit shqiptarë të cilët kanë mbaruar arsimin e mesëm jashtë Republikës së Shqipërisë:
- Certifikatë ose diplomë e shkollës së mesme
- Transkript të notave të shkollës së mesme
- Ekuivalentimin e Diplomës që jepet nga Ministria e Arsimit, Sportit dhe Rinisë së Republikës së Shqipërisë
- Fotokopje të noterizuar të pasaportës
- Çdo dokument tjetër të përcaktuar si të nevojshëm nga legjislacioni në fuqi dhe TCT